Xefe Suku Hirus Ema Deskonesidu Destroi Jardin Kampung Alor

Lafaek News—Xefe suku Kampung Alor, Alcina dos Santos, lamentavel ho atetude ema deskonesidu balun halo destroisaun ba jardin Kapung Alor ne’ebé harii husi joven suku ne’e.

“Ha’u fila iha kalan jam 11:00 iha dader mai roda sira ema sobu hotu ona ba lafaek news iha jardin Kampung Alor embaixador Korea oin, tersa 13/09/2022.

 xefe suku Kampung Alor Alcina dos Santos husu ema ne’ebé hatudu atitude brutalizmu ne’e husu atu aprezenta án, tanba se la’e sei halo hamulak ba rai lulik mak sdei buka tuir autor sira.

“Akontesimentu ami la toman no ami labele seguransa, tanba ami servisu kolen ami servisu too loron mos kuitadu kecuali ami hetan netik osan ruma husi estadu ita nia governu mak loke ami bele fo fiar ba joven sira bele tau matan ba fatin ne’e, maibé ida ne’e lae, ne’e hanesan ita mak hakarak de’it ita nia kompaña Mercycorp fo apoiu ona material entaun ita hadia ona ne’e,

Xefe suku ne’e kestiona hodi husu ema ne’ebé laran moras destroy jardin ne’e tenke aprezenta iha tempu badak nune’e labele hamulak ba lulik sira buka tuir, se la aprezenta iha tempu badak mak ema ne’ebé sobu jardin ne’e sei simu konsikuénsia.

“Ha’u nia hakarak husu de’it joven ne’ebé mak laran moras mai sobu tiha sasan ida roda ida ne’ebé durante fulan ida resin sakrifisiu hadia fatin ida ne’e primeiru tenke ba hili roda mai hatun rai-enek iha baki sorin ami bele suru tama mai fatuk iha baki sorin ami tenke suru tama mai hodi fui ba roda sira ne’e, ikus juventude ne’ebé lakohi mai fo apoiu, maibé mai hakarak estraga, ita nia Kultura Timor lulik rai ne’e lulik, Ha’u raut tasi ne’e marka krus raut roda nia fatin sira ne’e marka krus Ha’u sunu lilin iha ne’eba signifika ema mate ida mak ne’e, ha’u soe ba tasi, Ha’u marka krus iha fatuk sira ne’e, Ha’u lori ba santu Motael, tanba ha’u kolen,”Akresenta nia.

 Iha fatin hanesan Hermenegildo Carvalho, haktuir mos katak akontesimentu ne’e iha dader madrugada, nia rasik mos la hatene se mak halo estraga jardin refere.

 “Ha’u mai akontese tiha ona entaun Ha’u kontaktu xefe suku dehan ema sobu hotu ona roda sira ne’e husu ba joven sira se mak halo hahalok hanesan ne’e diak liu mai koalia de’it hodi buka nia solusaun,” katak koordenador ne’e.

Jornalista : Arnaldo Nunes
Editor       : Agapito de Deus

Fonte notísia : https://www.lafaeknews.tl/xefe-suku-hirus-ema-deskonesidu-destroi-jardin-kampung-alor/